fasil-e-shahr pe likkhi hai dastan meri
main kaise baat karun qaid hai zaban meri

mohabbaton ke bhi ye silsile ajib se hain
juda hai mujh se magar phir bhi hai wo jaan meri

main apne shahr mein rah kar bhi ajnabi sa raha
ki koi sunta nahin baat bhi yahan meri

jo jaan leta tha andar ka haal aankhon se
use sunai nahin detin siskiyan meri

khudaya tera karam hai ki mujh ko izzat di
wagarna itni bhi auqat thi kahan meri