fulan se dekho falane ki baat karta hai
ye aaina to ladane ki baat karta hai

use main haal sunane ko phone karta hun
wo mujh se sher sunane ki baat karta hai

ye dasht us ko bhala kis tarah muaf kare
use jo chhod ke jaane ki baat karta hai

yahan usi ko hi pagal qarar dete hai
yahan zara jo thikane ki baat karta hai

use bilal ki azmat ka koi ilm nahin
jo apne unche gharane ki baat karta hai