fusun-e-shab ki siyahi se haar jate hain
hum ahl-e-girya khamoshi se haar jate hain

saja ke chaaron taraf dosto wo bazm-e-nashat
suna hai dil ki udasi se haar jate hain

dilon mein dard liye ahl-e-hijr nauhagar
rah-e-wafa mein asiri se haar jate hain

qabila yun to lab-e-ju basa liya lekin
hum ab bhi tishna-dahani se haar jate hain

ajib hote hain ai shakhs dukh ke bashinde
zara se aankh ke pani se haar jate hain