ghadi bhar muskurao muskurao haqiqat bhul jao bhul jao nazar par kaundhti jati hai khushiyan ghamon ki lau jalao lau jalao bhatak kar aa gaya tha khwab koi ise phir dhund lao dhund lao zara si chot se hota hun ghayal jo chaho aazmao aazmao zehn ke mulk mein sukha pada hai kabhi to yaad aao yaad aao badi hi na-tawan dhadkan hai meri ise yun mat bhagao mat bhagao abhi to raat ne karwat badal di 'alakh' tum aur gao aur gao