gham-e-dil ki dawa koi nahin hai
hamein un se gila koi nahin hai

wafa ke raston mein kho gaya dil
kahan dhundun pata koi nahin hai

jhuka dunga main sar qadmon pe jis ke
wo tum ho dusra koi nahin hai

bahut dekhe hain dil walon ke jamghat
yahan ahl-e-wafa koi nahin hai

bina tere jiye jata hun lekin
bina tere maza koi nahin hai

pasheman hun main apni aashiqi par
nahin tum se gila koi nahin hai

zaban hargiz na kah paegi 'alam'
hamein ab chahta koi nahin hai