gham-e-paiham ki zindagi bhi mili
gham mein ek lazzat-e-khafi bhi mili

umr nauha-kunan rahi sari
isi nauhe mein naghmagi bhi mili

gharfashin shorishen guhaar dahad
isi jangal mein simfani bhi mili

ghup andheron ki rahguzaron mein
kabhi chhan-chhan ke chandni bhi mili

ik-na-ik rasta to sab ka hai
ye na puchho ki rasti bhi mili

yun bhi kya kam the rah-zanan-e-hawas
rah mein biswin sadi bhi mili

us andhere ka shukriya jis mein
hum jo dube to raushni bhi mili

hum ne mangi shaguftagi pai
be-talab phir fasurdagi bhi mili

umr-bhar qist qist marte rahe
mar chuke jab to zindagi bhi mili