ghar ke barbaad sahi ruh ke aabaad hain hum
ye khabar kis ne udai hai ki nashad hain hum

apne mitne ka koi gham na karo ham-nafasan
ek na ek shakl mein duniya ko abhi yaad hain hum

apne afsanon ke unwan judagana hain
ek nae daur ke mansur hain farhad hain hum

pesh-e-bedad-o-sitam sar na hue kham apne
go ki auron ki tarah kushta-e-bedad hain hum

hum ne taswir jo farda ki banana chahi
log kahte hain faqat haal ke naqqad hain hum