ghar mein na jao ghair ke mat ye sitam karo aao gharib-khane hi tak tuk karam karo shayad wo chahne lage mujh ko bhi dosto tuk us ke dil pe sura-e-ikhlas dam karo milna ziyaada ghairon se kuchh khub to nahin mano kaha tum un se mulaqat kam karo juz haal-e-dil jo khat main likhun aur kuchh tumhein to hath mere shauq se sahib qalam karo maqsud-e-dil husul hua mujh ko der mein sunte ho zahido tumhin tauf-e-haram karo 'afsos' ko to waizo kahte ho bad wale tab jaanen ram tum koi aisa sanam karo