ghazal kahna adakari nahin hai
hamara shauq bazari nahin hai

karun sajda tere naqsh-e-qadam par
abhi itna junun tari nahin hai

kisi ko sochna tanhaiyon mein
mohabbat hai ye bimari nahin hai

gham-e-dil ko ghazal mein dhaalta hun
tumhi kah do ye fankari nahin hai

amir-e-shahr bhi mujh se khafa hai
mera lahja jo darbari nahin hai

diya hai sath hum ne har qadam par
magar nam-e-wafadari nahin hai

hamein hasil hai fikr-o-fan ki daulat
ghazal kahna koi bhaari nahin hai

'faraaz' un se ye main ne zakhm khaya
jinhen aati dil-azari nahin hai