ghazal mein dasht ki khali badai hoti hai
samundaron ki abhi tak burai hoti hai

tumhaare shahr mein bas is liye nahin aata
tumhaare shahr mein to khud-numai hoti hai

bahut uthati hai nuqsan raushni yaron
agar diyon ki hawa se ladai hoti hai

jahan pe baithte uthte hain chaar chhe shair
wahan pe khub lagai bujhai hoti hai

ye kar-zar-e-mohabbat hai aur yahan 'anwar'
suni-sunai nahin aazmai hoti hai