ghubar-e-khatir-e-nashad hun main ki mitne ke liye aabaad hun main jafa-o-jaur se bhi shad hun main haris-e-lazzat-e-bedad hun main lab-e-moajiz-numa se zindagi hai khiraj-e-naz se barbaad hun main badi mushkil mein ki imdad meri fida-e-bazu-e-jallad hun main na kar pamal gardish-ha-e-aflak kisi bhule hue ki yaad hun main tamanna wasl ki to aur shai hai tumhaare hijr se bhi shad hun main tumhaare nawak-e-mizhgan ke hote rahin-e-nashtar-e-fassad hun main mujhi par aankh rahti hai adu ki 'farogh' ab dida-e-hassad hun main