ghuncha-e-dil mera kha kar gul-e-khandan mera
bu-e-gul sa hai udata mujhe jaanan mera

apni garmi se barishta hua husn-e-rukh-e-yar
lala-rang aatish-e-gul se hai gulistan mera

kabhu guzra tha koi aabla-pa dekh wafa
rowe ab lag hai lahu khar-e-bayaban mera

ishq khurshid-rukhon se jo kiya main ne junun
dagh jun subh hua chaak-e-gareban mera

kimiya husn ki hai munh to zara us ko laga
jam-e-mai se bhi gaya kya dil-e-giryan mera

chor kar dil ko inayat kiya sangin dushnam
shishe ko tod ke patthar diya tawan mera

qatl-e-'uzlat' se na munkir ho ki gul ke manind
lab pe hansta hai tere khun-e-numayan mera