ghuncha-e-wasl sar-e-sham khila de aa kar hijr ki rut mein koi muzhda suna de aa kar raqs jari hai lahu ka meri shiryanon mein barbat-e-ruh mein aawaz mila de aa kar log mar jate hain be-chaara-gari ke hote dam-e-isa bhi nahin ab ki jila de aa kar isi ummid pe sab ahl-e-karam baithe hain koi sail ki tarah aae sada de aa kar muskura kar meri ghazlon ko padha karta hai sher apne bhi kabhi yar suna de aa kar naw kaghaz ki liye baitha hun jaane kab se aa idhar sail-e-rawan is ko baha de aa kar