girne wali hai bahut jald ye sarkar huzur
han nazar aate hain aise hi kuchh aasar huzur

karwan yunhi bhatakta rahe har bar huzur
nek niyyat na hon gar qafila-e-salar huzur

wo jo az-khud hi bane baithe hain sardar huzur
waqt ek din unhen laega sar-e-dar huzur

khud ko dete hain wo dhoka yunhi be-kar huzur
jo khataon ka nahin karte hain iqrar huzur

samne aa kai rahe sach sar-e-bazar huzur
koi kitna hi kare jhut ka parchaar huzur