gul ke the gulsitan ke the hi nahin
hum to jaise wahan ke the hi nahin

karwan is liye hi chhoda tha
hum tere karwan ke the hi nahin

jin se karni thi guftugu hum ko
wo hamari zaban ke the hi nahin

aap sunte to sun ke ro dete
waqiye wo bayan ke the hi nahin

mausam-e-gul ke intizar mein the
hum khizan mein khizan ke the hi nahin

wo jahan the wahin rahe ab tak
hum jahan hain wahan ke the hi nahin

main ne samjha tha dastan jin ko
wo meri dastan ke the hi nahin