gumrahon ka ham-safar rahna bhi achchhi baat hai raste se be-khabar rahna bhi achchhi baat hai kuchh na kuchh na-pukhtagi bhi aadmi ka husn hai kuchh na kuchh na-mo'tabar rahna bhi achchhi baat hai jis mein sab be-khanuman rahte hon aise shahr mein ghar ka be-diwar-o-dar rahna bhi achchhi baat hai aur bhi kuchh din guzar jate wahan to khub tha us gali mein warna mar rahna bhi achchhi baat hai jangalon mein zard patjhad ka safar hai zindagi is safar ka mukhtasar rahna bhi achchhi baat hai ek na ek khwahish ki chingari sulagti rakh 'zamir' kuchh phalon ka shakh par rahna bhi achchhi baat hai