gunah kya hai mera pahle inkishaf karo aur us ke baad saza do ya phir muaf karo ye main bhi man hi lunga ki kuchh ghalat tha main magar tum apni bhi ghalati ka e'tiraf karo chalo ki phir se nae ishq ki karen shuruat chalo jo dil mein kudurat hai us ko saf karo uda rahunga idhar main bhi na-shanasi par udhar tum apne talluq se inhiraf karo mohabbaton mein ana kaam kis ke aai hai har ek baat se meri na ikhtilaf karo ye khanqah-e-mohabbat hai dil mera 'sahil' amal yahan jo karo aql ke khilaf karo