guzarne ko to sab zindagi guzarte hain
hum ahl-e-ishq ajab zindagi guzarte hain

fareb khate chale ja rahe hain duniya se
koi saliqa na dhab zindagi guzarte hain

wo chand roz jo achchhe dinon se hain mausum
na tab guzari na ab zindagi guzarte hain

jinhen qubul nahin lamha bhar ki ham-safari
hamare sath wo kab zindagi guzarte hain

bhatak rahe hain kisi dasht-e-be-karan mein magar
ek aarzu ke sabab zindagi guzarte hain