guzishta khwab ke manzar satane lagte hain
bhulaen kaise wo aankhon mein aane lagte hain

larazte kanpte honton pe us ke nam mera
ye baat mujh se wo aksar chhupane lagte hain

bhulaun kaise main bite dinon ki yaad bhala
kitab-e-dil ke waraq phadphadane lagte hain

bahaar aane ko aai hai gulistan mein magar
ye phul phul badan dil jalane lagte hain

khuda bachae unhen aafaton ke jhatke se
jo dekhte hi mujhe muskurane lagte hain