haal-e-dil tujh pe aashkar kiya
zist ko apni khush-gawar kiya

soz-e-dil ka gham-e-mohabbat ka
tazkira hum ne bar bar kiya

hum na ghafil rahe kisi lamha
apni har sans ka shumar kiya

ho gae hum halak khud lekin
bagh-e-hasti ko pur-bahaar kiya

kashmakash mein guzar di sab umr
hum ne kab aish ikhtiyar kiya

ki na taqlid hum ne ghairon ki
apne malik pe eatibar kiya

jab bahut muztarib hue 'saqi'
apni hasti ko tar-tar kiya