hae sharm-e-dilbari us dilruba ke hath hai
is wafa ki aabru us bewafa ke hath hai

jaanta hai kaam bande ka khuda ke hath hai
dil mera khulna tere band-e-qaba ke hath hai

aah-e-girya sath hon ghurbat mein jab aata hai dhyan
bekasi kahti hai ye aab-o-hawa ke hath hai

kab tak aaoge adam mein puchhte hain rah-rau
kis se kahiye us taraf aana qaza ke hath hai

hath uthata hun khuda ke samne main ai 'rashid'
dhundhna bab-e-ijabat ko dua ke hath hai