hael hain ashk rah mein kaise nazar mile
barish agar thame to musafir ko ghar mile

aae charagh sham laga lun gale tujhe
donon ko ye umid nahin hai sahar mile

daur-e-jadid mein jo badhi faslon ki baat
ji chahta nahin ki nazar se nazar mile

ab to junun ke hath se patthar nikal gae
ab hum bhi chahte hain ki shishe ka ghar mile

'saulat' wo kya maqam tha saat thi kaun si
thahre hue jahan tumhein sham-o-sahar mile