hai jo sina mein jagah lahke hai angara sa dil jo pahlu mein hai betab hai wo para sa aankh lagti hai koi pal to hamein han us ka aalam-e-khwab mein ho jae hai nazzara sa dil hai us sozan-e-mizhgan se mushabbak mera chhutne kyun lage khun ka fawwara sa dil kahin dida kahin ji hai kahin jaan kahin gardish-e-charkh mein har ek hai aawara sa sina-kuban tere kucha se rah jata hai 'nisar' subh se sunte hain hum coach ka naqqara sa