hai jo tufan be-nawaon mein
phailne ko hai ab hawaon mein

rakh dil ki kuredne walo
aag lag jaegi fazaon mein

mujh ko chaunkae kya koi naghma
gum hun main apni hi sadaon mein

bas yahi hai fasana-e-hasti
sans li ghir gae balaon mein

aur mear-e-haq buland hua
kuchh izafa hua sazaon mein

aankh rakhti hai kya samaat bhi
suraten dekh lin sadaon mein

umr bhar dhundte rahe 'saghar'
bu-e-ikhlas kaj-adaon mein