hai khwahish meri ye pukaro kabhi tum
suno to kaho bhi are tum aji tum

bhatakta raha main yahan wan hamesha
mera dil gaya wan jahan bhi gai tum

jahan bhi main jaun tera sath chahun
mujhe ho gai har jagah lazmi tum

mayassar nahin ek khadi chain mujh ko
mujhe yaad aati rahi har khadi tum

kiraya to do kuchh mohabbat ka mujh ko
jo muddat se mere hi dil mein rahi tum

hua kya hai tum ko mujhe tum kaho to
zara der pahle thi achchhi-bhali tum