hai shor sahilon par sailab aa raha hai
aaankhon ko gharq karne phir khwab aa raha hai

bas ek jism de kar rukhsat kiya tha us ne
aur ye kaha tha baqi asbab aa raha hai

khak-e-visal kya kya surat badal rahi hai
suraj guzar chuka hai mahtab aa raha hai

pani ke aaine mein kya aankh pad gai hai
dariya mein kaisa kaisa girdab aa raha hai

aaankhon ki pyaliyon mein barish machi hui hai
sahra mein koi manzar shadab aa raha hai