hai turfa tamasha sar-e-bazar-e-mohabbat sar bechte phirte hain kharidar-e-mohabbat allah kare tu bhi ho bimar-e-mohabbat sadqe mein chhuten tere giraftar-e-mohabbat is waste dete hain wo har roz naya dagh ek dard ke khugar na hon bimar-e-mohabbat kuchh tazkira-e-ishq rahe hazrat-e-naseh kanon ko maza deti hai guftar-e-mohabbat waiz ki zaban par to wo kalima hai ki goya bakhshe hi na jaenge gunahgar-e-mohabbat dekha hai zamane ko in aankhon ne to ai 'dagh' is rang par is dhang par inkar-e-mohabbat