hai ye hasrat jafa kare koi
ab kare bhi to kya kare koi

kuchh na hone se hona behtar hai
dard dil ka siwa kare koi

yar jis mein nazar nahin aata
aisa aaina kya kare koi

un ka chehra kitab jaisa hai
un ka chehra padha kare koi

aa gai hai bahaar gulshan mein
zakhm dil ka hara kare koi

khud se ab milna chahta hun main
main kahan hun pata kare koi

wo to 'zishan' mere dil mein hai
lakh mujh se chhupa kare koi