ho gai barham nigah-e-shauq shayad yar ki
ujdi ujdi si hai surat nargis-e-bimar ki

jam par jam aaj saqi ne nigahon se diye
phir bhi bharti hi nahin niyyat kisi mai-khwar ki

phir nigahon mein koi surat kabhi utri nahin
dekh li thi ek jhalak main ne jamal-e-yar ki

phunk dega teri binai jamal-e-ru-e-yar
tab phir laega kaise husn ke didar ki

aaine 'zishan' bikhre hain zamin par tut kar
sah na pae ye bhi shiddat garmi-e-rukhsar ki