ham-safar zist ka suraj ko banae rakkha
apne sae se hi qad apna badhae rakkha

shola-e-yaad ko liptae rakha daman se
is bahane se tujhe apna banae rakkha

log aankhon se hi andaza-e-gham karte hain
hum ne aankhon mein tera wasl sajae rakkha

ek yahi to mera hamraaz tha tanhai ka
dard ko dil ki haweli mein chhupae rakkha

apna andaz-e-safar sab se judagana raha
aankhon mein shauq-e-safar dil ko sarae rakkha