hamara raaz-dan koi nahin hai mohabbat ki zaban koi nahin hai har ek ghuncha hai murjhaya hua sa chaman mein baghban koi nahin hai qafas se chhut kar jaen kahan hum hamara aashiyan koi nahin hai kahan jaen ye darmanda musafir amir-e-karwan koi nahin hai andhere raste roke khade hain charag-e-karwan koi nahin hai hain pazhmurda teri yaadon ki kaliyan bahaar-e-jawedan koi nahin hai ibarat hai hayat-o-marg tum se hamari dastan koi nahin hai yahan har jins bik jati hai 'mumtaz' sukhan ka qadr-dan koi nahin hai