hamare ishq ka anjam hum ko kya malum
suna hai un ko khabar hai magar khuda-malum

wo bad-nasib jo mange to un se kya mange
dua ki jis ko khabar ho na muddaa malum

na puchh mujh se mere dard-e-dil ka haal na puchh
ki ab to dard ka ehsas bhi hai la-ma'lum

rah-e-talab mein agar hosh hai to sirf itna
ki ja raha hun magar kis taraf khuda-malum

'sahar' karun to karun kya ki dil se hun majbur
wagarna khabt-e-mohabbat ka faeda malum