hamare sath jo ye kar-e-zindagani hai kisi bhatakti hui ruh ki kahani hai kahenge lakh magar manti nahin duniya hamara hasil-e-guftar raegani hai badan khuda ne tarasha hai aur lafzon mein jo naqsh hum ne ubhaara hai naqsh-e-sani hai ye iztirab achanak nahin mila dil ko kisi udas mulaqat ki nishani hai baras rahe hain jo baadal unhen kahan ma'lum hamari aankh mein sahra ki hukmrani hai kuchh aise log bhi hain 'umr ke tasalsul mein ki jin ke dam se mere sans mein rawani hai