hamare sher ki waqat hi kya hai jigar ke khun ki qimat hi kya gharib insan ki aawaz hi kya hai gharib insan ki izzat hi kya hai palat jaana hawa ka chalte chalte nizam-e-gardish-e-qismat hi kya hai na hum se pursish-e-haalat karna jahan dukh hon wahan rahat hi kya hai rahega jine marne ka tasalsul zamane se use nisbat hi kya hai khuda-e-pak ki marzi ke aage majal-e-banda o himmat hi kya hai 'malik' achchhi nahin taqdir us ki nasib-e-ishq mein rahat hi kya hai