hamari jit yahi thi ki khud se haar aae kisi ke hum pe kai qarz the utar aae tumhaari yaad bhi hai baz-gasht ki aawaz jo ek bar pukaro to bar bar aae har ek mod pe jaise wo mud ke dekhta ho nazar kuchh aise manazir pas-e-ghaar aae na jaane kaun se lamhon ki laghzishon ke sabab hamari rah mein sadiyon ke kohsar aae kamal kar diya hum ne ki aarzu ke baghair kisi tarah se jiye zindagi guzar aae