hamari ruh jo teri gali mein aai hai ajal ke sadqe mein ye rah dekh pai hai wahan pahunch nahin saktin tumhaari zulfen bhi hamare dast-e-talab ki jahan rasai hai lahu mera teri talwar se mila aisa ki nagawar pas-e-zabah bhi judai hai na puchhiye ki tu jalta hai kyun raqibon se wahi ye aag hai jo aap ne lagai hai nisar-e-hazrat-e-agha-ali-'hasan'-khan hun ziyaada had se meri aabru badhai hai