hamein to ishq mein sab kaam achchhe lag rahe the yahan tak ki sabhi ilzam achchhe lag rahe the sunae ja rahe the ishq-e-shorida ke qisse hamein qisse nahin anjam achchhe lag rahe the yaqin ki manzilon se go ki aage ja rahe the pas-e-manzar magar auham achchhe lag rahe the shab-e-tarik mein shab-tab anjum aasman pe ye donon barsar-e-paigham achchhe lag rahe the niko-kari ka dushnami sila hai kya gila hai ki hum badnam hain badnam achchhe lag rahe the raqiban khush the sher-e-shokh ke tewar pe hum bhi ki un sheron ke sab iham achchhe lag rahe the miyan majnun bhi gum the najd ki uryaniyon mein pe hum sahra mein ba-ehram achchhe lag rahe the namaz-e-ishq ada karne ki koi ja nahin thi so ye sajde hamein har-gam achchhe lag rahe the wo waslat bhi koi waslat ki jaan aasuda-khatir firaqon mein 'anis'-e-kham achchhe lag rahe the