haqiqaton mein gham-e-zat kar ke dekhte hain khuda se ab to munajat kar ke dekhte hain guman chhod ke haalat ke sanwarne ka yaqin-e-gardish-e-haalat kar ke dekhte hain mila na kuchh bhi bahut nafraton ko dekh liya mohabbaton ki bhi barsat kar ke dekhte hain yahi ki tark-e-talluq ki wo saza denge ye baat hai to chalo baat kar ke dekhte hain ek intizar mein jaise guzar gaya din to diye jalao ki ab raat kar ke dekhte hain kisi se 'naz' kabhi haal-e-dil kaha to nahin bayan kuchh aaj to jazbaat kar ke dekhte hain