har chiz se mawara KHuda hai

har chiz se mawara khuda hai
duniya ka ajib silsila hai

kya aae nazar ki raston mein
sadiyon ka ghubar ud raha hai

jitni ki qarib-tar hai duniya
utna hi tawil fasla hai

alfaz mein band hain maani
unwan-e-kitab-e-dil khula hai

kanton mein gulab khil rahe hain
zehnon mein alao jal raha hai


This is a great do alfaz shayari. Please share if you liked this!!!