har-dam taraf hai waise mizaj karakht ka
tukda mera jigar hai kaho sang sakht ka

sabzan in ru ki jahan jalwa-gah thi
ab dekhiye to wan nahin saya darakht ka

jon barg-ha-e-lala pareshan ho gaya
mazkur kiya hai ab jigar lakht lakht ka

dilli mein aaj bhik bhi milti nahin unhen
tha kal talak dimagh jinhen taj-o-takht ka

khak-e-siyah se mein jo barabar hua hun 'mir'
saya pada hai mujh pe kaso tira-bakht ka