har ek harf ho imkan tere jaisa ho meri kitab ka unwan tere jaisa ho hazar bar gawara hai parsai ko jo meri zat pe bohtan tere jaisa ho koi sawal jo mushkil na ho tere jaisa koi jawab jo aasan tere jaisa ho main umr-qaid ba-sad-naz kat sakti hun agar nasib mein zindan tere jaisa ho mohabbaton ka sila ho to ho tere jaisa mohabbaton mein ho nuqsan tere jaisa ho mujhe qubul hai bar-e-digar inayat ho magar ye shart hai ehsan tere jaisa ho shifa bhi deta hai ye moajiza mohabbat ka kisi mariz ka iman tere jaisa ho