har ek kaam saliqe se shandar karo bure amal se bacho nekiyon se pyar karo chaman ki taza kali bhi gulab ho jae bahaar aane talak kuchh to intizar karo madad gharib ki karna sawab hai pyare azim kaam hai is ko to bar bar karo adawaton ki faza kah rahi hai ro ro kar watan ka chehra-e-raushan na dagh-dar karo nahif laghar-o-miskin mustahiq sare gale lagao bichaaron ko khub pyar karo jahan se zulm-o-tashaddud mita ke dam lenge isi junun ko aasab par sawar karo qadam qadam pe badi mushkilen bhi aaengi magar jo haq hai wahi rah ikhtiyar karo yahi talab tujhe 'tariq' rahi hamesha se ki qissa-ha-e-ta'alluq mein ikhtisar karo