har ek khwab mein harf-o-bayan mein rahta hai
wo ek shakhs jo dil ke makan mein rahta hai

na dil nikalta hai us ka na sham hoti hai
ab is tarah se bhi koi jahan mein rahta hai

yaqin hai ki wo mujh par yaqin rakhta hai
guman hai to wo ab tak guman mein rahta hai

main is tarah se hun aazad apni duniya mein
ki jaise koi parind aashiyan mein rahta hai

rakha hua hai hifazat ke sath use dil mein
main be-aman hun wo to aman mein rahta hai