har ek ko us ki kamai palat ke aati hai bhalai ho ki burai palat ke aati hai jo baat ki thi kisi par wo ab suno bhi sahi kaha na tha ki ye bhai palat ke aati hai main us ke aks ko diwar par lagaun zara dikhaun kaise khudai palat ke aati hai kisi ko aaina jab bhi dikhaen badle mein udhar se talkh-nawai palat ke aati hai 'saghir' dil hai ki khali makan hai koi ki aah ban ke duhai palat ke aati hai