har ek mahfil mein hai charcha hamara
ajab hai dard ka qissa hamara

zara sa khud ko main ne chup kiya to
bahut achchha nibha rishta hamara

bhala manzil kahan se chain degi
kahin bhi dil nahin lagta hamara

isi dar se kamaya har tarah se
koi na puchh le rutba hamara

purana ho chuka majnun ka qissa
so ab sahra pe hai qabza hamara

hamari guftugu hai sirf hum se
bahut hai mukhtasar kharcha hamara