har jawan chehre ko dilkashi nahin milti
sab ko umr milti hai zindagi nahin milti

ba-kamal banne tak thokaren zaruri hain
jis ka nam shohrat hai muft ki nahin milti

tirgi ke aalam mein dil jalae jate hain
rah ke charaghon se raushni nahin milti

ye batao kaise ho ab nibah ki surat
aap se meri aadat ek bhi nahin milti

log aaj-kal 'taban' sirf lab hilate hain
dil jo gudguda jae wo hansi nahin milti