har nafas wajh-e-khushi hai aaj-kal kya suhani zindagi hai aaj-kal lamha-lamha kaif mein duba hua main hun meri mai-kashi hai aaj-kal bujh gae kab se umidon ke charagh dagh-e-dil ki raushni hai aaj-kal jis jagah rahti thi bu-e-gul wahin khak si kuchh ud rahi hai aaj-kal kam nahin gham se tere duniya ka gham ek musibat jite ji hai aaj-kal lut lo mil kar bahaar-e-gulsitan lo shagufta har kali hai aaj-kal