har rasm par nazar ko jhukate hue chale har ikhtiyar apna mitate hue chale kuchh un pe e'timad hai kuchh apni zat par zoam-e-fareb yunhi nibhate hue chale kitni hikayaten ki zaban tak na aa sakin zanjir-e-harf un pe sajate hue chale un ke mazaq-e-did se pai na pai dad phir bhi harim-e-shauq basate hue chale jo rah jal gai thi haqiqat ki aanch se khwabon ke phul us pe bichhate hue chale