har ujala nai sahar to nahin
raat ki umr raat-bhar to nahin

aadmi chand gam badh na sake
zindagi itni mukhtasar to nahin

ek ujala sa sath rahta hai
sochta hun teri nazar to nahin

ek hangam hai bayaban mein
koi aamada-e-safar to nahin

waqt be-shak azim hai lekin
mujh se tujh se azim-tar to nahin

dur kuchh sae se hain sahra mein
rah-e-gum-karda ham-safar to nahin

aap jo bhi kahen wo sach 'ajmal'
aap ab itne mo'atabar to nahin