harf-e-ghazal ko dard mein dhalte hue bhi dekh shahr-e-sukhan ki shama pighalte hue bhi dekh khushbu ke chand phulon ki nakaam aarzu shahr-e-wafa ki aag mein jalte hue bhi dekh jhulse hue khayal ke sahra mein dub ja zarron ki tah mein tishnagi jalte hue bhi dekh qadmon ke khar bojh the duniya tere liye pairon baghair aaj use chalte hue bhi dekh masum biwi bachchon ke lab ki hansi ko aaj gham ki qaba-e-zard mein dhalte hue bhi dekh dulhan banengi bahnen ye hasrat liye hue us ka janaza ghar se nikalte hue bhi dekh